एमालेद्वारा मधेश सरकारलाई दिएको समर्थन फिर्ता

 

जनकपुरधाम, असोज ३० । नेकपा एमालेले मधेश प्रदेश सरकारलाई दिँदै आएको समर्थन फिर्ता लिएको छ। एमाले संसदीय दलका नेता सरोजकुमार यादवले प्रदेश प्रमुखलाई औपचारिक पत्र बुझाउँदै समर्थन फिर्ताको जानकारी दिएका हुन्।

सरकारले १५ बुँदे सहमति कार्यान्वयन नगरेको, बजेट तथा विकास योजनामा सहमतिअनुसार काम नगरेको र पटक–पटक ध्यानाकर्षण गराउँदा पनि सुधार नभएको भन्दै एमालेले समर्थन फिर्ता लिएको जनाएको छ। एमालेको निर्णयसँगै मधेश प्रदेशको राजनीतिक समीकरणमा फेरबदल आउने सम्भावना बढेको छ।